Müəlliflər üçün

“Coğrafiya və Təbii Resurslar” jurnalı coğrafiya və aqrar elmlərin geniş spektrini əhatə edən, multidissiplinar elmi tədqiqatların dərc olunduğu, açıq girişli (Open Access) və ikiqat anonim rəyçilik (double-blind peer review) prinsipləri əsasında fəaliyyət göstərən elmi nəşrdir.

Jurnal coğrafiya, ətraf mühit və aqrar sahələr üzrə aparılan müasir elmi tədqiqatların nəşrini dəstəkləyir.

Jurnalın elmi istiqamətləri

Jurnal coğrafiya və aqrar elmlərin müxtəlif sahələrini əhatə edən tədqiqatları qəbul edir. Əsas istiqamətlər aşağıdakılardır:

Təbii sistemlər, landşaftlar və geomorfoloji proseslər
İqlim, meteorologiya və hidrologiya üzrə tədqiqatlar
Ekocoğrafiya, ətraf mühit və torpaq ekologiyası
Torpaqşünaslıq, torpaqdan istifadə və aqrar sistemlər
Regional inkişaf, iqtisadi və sosial coğrafiya
Turizm, rekreasiya və davamlı inkişaf
Geoməkan texnologiyaları, kartoqrafiya və məkan analitikası
Xəzər regionu və digər regional coğrafi problemlər
Coğrafiya təhsili, metodika və elmi innovasiyalar

Jurnal multidissiplinar yanaşmaları dəstəkləyir və yuxarıda sadalanan istiqamətlərlə məhdudlaşmayan, coğrafiya, təbii resurslar, ətraf mühit və aqrar elmlərlə əlaqəli digər elmi tədqiqatları da nəzərdən keçirir.