QUBA-XAÇMAZ İQTİSADİ RAYONUNUN DEMOQRAFİK İNKİŞAF XÜSUSİYYƏTLƏRİ
T.M.Hüseynova
AMEA akad. H.Əliyev adına Coğrafiya İnstitutu
Az 1143, Bakı, H.Cavid pr., 115
X ü l a s ə
Məqalədə Quba-Xaçmaz iqtisadi rayonunun demoqrafik inkişaf xüsusiyyətləri təhlil olunmuş, bu sahədə yaranan problemlər və onların həlli yolları öz əksini tapmışdır. Tədqiq olunan ərazidə əhalinin say tərkibi, doğum, ölüm, təbii artım, əhalinin cins tərkibi, nikah və boşanmaların 1990-2017-ci illər üzrə daim dəyişməsi və onların təhlili verilmişdir. Demoqrafik göstəricilər əhalinin siyahıyaalma materialları və cari statistik məlumatlar əsasında hesablanmış və bu sahədə baş verən dəyişikliklər öyrənilmişdir. İqtisadi rayonun demoqrafik göstəriciləri ayrı-ayrı illər üzrə respublikanın müvafiq göstəriciləri ilə müqayisə edilmişdir. Ölkədə baş verən sosial-iqtisadi proseslər əhalinin yaşayışına birbaşa təsir göstərir. Belə ki, keçid dövründə sosial-iqtisadi çətinliklər, iş yerlərinin itirilməsi, sosial sfera sahələrinə ayrılan gəlirlərin azalması demoqrafik vəziyyətə mənfi təsir göstərmişdir. Bir çox sosial islahatların həyata keçirilməsinə baxmayaraq, bu sahədə problemlər hələ də qalmaqdadır. Məqalədə tədqiqat əsasında aşkar olunan problemlər, onların aradan qaldırılması istiqamətləri müəyyənləşdirilmiş, elmi baxımdan əsaslandırılmış və təkliflər verilmişdir.
Açar sözlər: demoqrafik inkişaf, doğum, ölüm, təbii artım, nikah, boşanma
ƏDƏBİYYAT
- Azərbaycanın regionları. Bakı, DSK, 2018, 795 s.
- Azərbaycanın demoqrafik göstəriciləri. Bakı, DSK, 2018, 496 s.
- Azərbaycan Respublikasının Coğrafiyası “Regional coğrafiya” III cild. AMEA, akad.H.Ə.Əliyev adına Coğrafiya İnstitutu. Bakı, 2015, 40 s.
- Eminov Z.N. Azərbaycan əhalisi. Bakı: 2005, 558 s.
- Eminov Z.N. Azərbaycan Respublikasında demoqrafik inkişafın regional problemləri və demoqrafik siyasət. / “Azərbaycan Respublikasında demoqrafik inkişaf: əhali məskunlaşmasının perspektivləri və regional problemləri” elmi konfrans, Bakı: 2016, s.10-18.
- İmrani Z. Quba-Xaçmaz iqtisadi rayonu. Elm, Bakı, 2007,172 s.
- Ə.Paşayev, N.H.Əyyubov, Z.N.Eminov. Azərbaycan Respublikasının iqtisadi, sosial və siyasi coğrafiyası. Bakı: Çıraq, 2010, 416 s.